بالفيديو.. «أديب» لصباحي: السيسي «مش هيقبل رئاسة الوزراء»

اعتبر الإعلامي عمرو أديب، مساء الأربعاء، قبول المرشح الرئاسي، حمدين صباحي، رئاسة مجلس الوزراء حال خسارته الانتخابات الرئاسية «قول يضعف حمدين»- حسب تعبيره.

كانت إحدى الصحف القومية نشرت على لسان صباحي قوله: «أقبل رئاسة الوزراء إذا خسرت الرئاسة»، فيما علقت حملته الرئاسية: «صباحي سينضم للمعارضة إذا خسر انتخابات الرئاسة، ولم يوافق أن يكون رئيسًا للوزراء حال خسارته».

وقال «أديب»، في برنامجه على قناة «اليوم»: «في الدستور رئيس الجمهورية هو اللي هيختار رئيس الوزراء ويعرضه على البرلمان علشان يوافق عليه، مثلا أنا مش متخيل إن السيسي لو خسر هيقبل يبقى رئيس وزراء».

وأضاف «أديب»: «اللي داخل يرشح نفسه على رئيس عايز يبقى رئيس أو لأ، عارف إنكم هتقولوا دي خدمة للوطن، أنا أسف ماينفعش اليومين دول أجي أقولك لو مكسبتش رئيس اشتغل رئيس وزراء، ومش عايز أتكلم عشان الحملة بتاعته بتزعل».

وقال: «بعد الانتخابات لو خسر يقول يا جماعة أنا موجود وعملت برنامج، حمدين عامل برنامج وفي البرنامج ده رغم أنني خسرت بقول لحضراتكم أنا مستعد أخدم البلد في أى مكان ومن خلال البرلمان».