شن الإعلامي عمرو أديب هجومًا حادًا على حملة حمدين صباحي، المُرشح الرئاسي، بسبب تصريحات صدرت عن عمرو بدر، المُتحدث باسم الحملة قال فيها إن أصوات المصريين بالخارج تحكمها محاولاتهم للحفاظ على مصالحهم الشخصية وعملهم واستقرارهم بالخارج، مشيرا إلى وجود «مخاوف» لدى بعض المصريين بالخارج من التصويت لصالح صباحي «حتى لا يتم ترحيلهم لمصر».
أخبار متعلقة
وأضاف «أديب» خلال برنامجه «القاهرة اليوم»، على قناة «اليوم»، مساء الثلاثاء، قائلًا: «لو الكلام ده مطلعش عليه اعتذار من حملة حمدين أنا مش هسكت، ده هبل وعته، متسائلا: «مين يعرف إنت مدي صوتك لمين؟، عيب إنتو كده بتهينوا المصريين وتعبهم».
وتابع «أديب» هجومه على «بدر» : «يا راجل اتكسف على دمك، دي نكته ده إحنا ننقلب على قفانا من الضحك، بيقولك حمدين عايز يروح يقطع تذكرة يشوف الواحد اللي انتخبه في السويد، النتيجة تخجل يا راجل اتكسفوا عندكم فشل ذريع».
وأضاف: «عيب يا أخي هو اللي ميقفش معاك تهينه؟، ده لما مرسي كسب محدش مشى حد، متتكلمش كده على المصريين البلد قاعدة تنكت النهارده يقولوا المركز الأول السيسي والمركز التاني الأصوات الباطلة والتالت حمدين، متتكلمش كده على المصريين، البلد قاعدة تنكت النهاردة يقولوا المركز الأول السيسي، والمركز التاني الأصوات الباطلة، والتالت حمدين».
وتابع: «ليه حجة البليد مسح التختة؟، قول أنك فشلت، أنا قاعد أحابي عليك عمال أقول محدش يضايق حمدين وباخد شتيمة لرب السماء، إحنا خلاص طهقنا، ناويين تكملوا كملوا مش ناويين الباب يفوت جمل محدش يهينا».
