تعجب الإعلامي عمرو أديب من تصريحات صدرت عن الشيماء، ابنة الرئيس المعزول محمد مرسي، قالت فيها إن والدها رفض امتيازات عُرضت عليه من قبل الجيش مقابل رحيله، مشيرا إلى أن المعزول وُضع رهن الإقامة الجبرية بـ «الحرس الجمهوري».
أخبار متعلقة
ووجه «أديب» تساؤلاته، لابنة مرسي، خلال برنامجه «القاهرة اليوم»، الذي يُذاع على قناة «اليوم»، مساء الإثنين : «هو الجيش مش كان يقدر يحط الراجل ده غصب عنه هيلا بيلا في طيارة لحد قطر ولا كان هيفلفص؟، البني آدم بيتنفي بمزاجه؟، الجيش لو كان عايز يمشي مرسي كان حطه في طيارة دورين يقعد ياكل بط وحمام، والطياره تنزل في قطر ويستلموه هناك، كانوا هيرجعوه يعني؟».
وتابع: «مين كان بيعرض على التاني؟، ده طبعا رد على كلام السيسي إنه اتعرض عليه مناصب في الجيش وده منطقي، الإخوان كان رأيهم إن كل واحد ليه سعر».
