طالب الإعلامي عمرو أديب، المستئشار عدلي منصور، رئيس الجمهورية المؤقت، ولجنة الانتخابات الرئاسية، وإبراهيم محلب، رئيس الوزراء، برفع الحظر عن لجان الوافدين، واصفا الوضع الحالي بأنه غير دستوري، مُدللاً على ذلك بأحقية المواطن في التصويت أثناء تواجده بدولة أجنبية بغرض الزيارة.
أخبار متعلقة
وأضاف «أديب» خلال برنامجه «القاهرة اليوم»، الذي يُذاع على قناة «اليوم»، مساء الثلاثاء: «يا جماعة ده قرار إداري في إيدينا، دوركم الإتاحة مش التضييق، فيه ملايين من الوافدين هيروحوا، وحط المكن العظيم بتاع وزارة الاتصالات».
وتابع: «أنا بطلب من الحملتين، مُناشدة اللجنة الرئاسية لرجوع لجان الوافدين زى وقت الدستور»، مُشيرا إلى أننا في أشد الاحتياج لكل صوت.
كما وجه «أديب» حديثه للرئيس عدلي منصور، قائلاً : «يا سيادة المستشار في إيدك تفرح المصريين بإن مفيش قيود على الوافدين ويروحوا عادي»، وتساءل: «العاملين في السياحة في الغردقة وشرم الشيخ هيعملوا ايه؟، عايز تقوله ارجع القاهرة إدي صوتك وارجع تانى؟، ليه البهدلة؟، اديني سبب ليه أنت مانع حكاية الوافدين؟، إيه المانع ده مش قرآن، دي ورقة وإمضاء تخش بيها التاريخ».
وتابع: «هتنام ازاي النهاردة بليل إنت عارف إنك حارم أكتر من 3 مليون إنهم يدوا صوتهم؟، ليه بتعمل في الناس دي كده؟، أنت بتعاقبها؟، إنت راجل محترم وتعرف يعني إيه صوت مصري».
