ودارت الأيام.. أعوام ورا أعوام.. وإحنا مش حاسين.. اللى النهارده معانا.. بكرة مش معانا
وإزاى نكون عايشين.. كل اللى فات بقى ذكريات.. وقت عدى وعُمر فات.. وإحنا عشانكم متجمعين.. عشان خروجكم على المعاش.. وأنتم أساتذة ما تتنساش.. مهما تعدى السنين.. مهما نشكر مش هنوافيكم.. ومهما نسدد برضوا ليكم.. هنطلع مديونين.. بتعطوا من غير حساب.. بتسامحوا من غير عتاب.. بنقول متشكرين.. العمر عدى ومحسناش.. وفجأة قالوا ع المعاش.. هو إحنا نمنا مصحناش.. ولا إحنا كنا مخطوفين.. كنت بينا نسمة هادية.. كنت دايما ماشية راضية.. هتوحشينا يا أستاذة نادية.. بس دا طبع السنين.. قلبك أبيض مليان سماح.. لو الدنيا ليل إنتى الصباح.. افتقدناكى يا أستاذة نجاح.. دا إنتى وسام على الجبين.. قالوا خرجت على المعاش.. لا حد راح ولا حد جاش.. عملنا حفلة ما تتنساش.. بحضور الزملا الطيبين.. قبل الوداع بنقول سلام.. قلوبنا عاجزة تقول الكلام.. مهما هتعدى الأيام.. هتفضلوا بينا موجودين.. خلوا بالكم من حياتكم.. اللى جاى غير اللى فاتكم.. والمكان دا برضوا بيتكم.. فى أى وقت مستنيين.
أحمد إبراهيم خليل
