من يوم ما اتولدنا
أخبار متعلقة
وعرفنا أمنا ووالدنا
بتدور بينا الرحاية واتعودنا
نصرخ من جوانا
ومحدش يسمع صرختنا
وتلف بينا وتدور بمشاعرنا
اطحنينا كمان وكمان يا رحايتنا
حكمتى علينا ندور معاكى بكيفنا
هو انت قدر ربنا
يا رحايتنا هقولك بصراحتنا
هتتعبى قوى مع عزيمتنا
كل ما نتطحن ترجع لنا ابتسامتنا
حكمة ربنا فى طريقك حطتنا
اللى بيكذب ويخادع ويهلكنا
اللى بيطعنا فى ظهرنا ويزيد لوعتنا
اللى مش ابن أصول ويتجرأ فى مواجهتنا
اطحنيهم يا رحايتنا ويا الشر وبهدلتنا
ابن الناس اللى هما ناس ومصريتنا
سيبيهم يعيشوا بسلام فى جنينتنا
سيبيهم يضحكوا من قلوبهم فى حتتنا
يحبوا بعض يحنوا لأصالتنا
يا رحاية اطحنى كل شر عدونا
واحنا الخير والابتسامة الحلوة سكتنا
اطحنى اللى يهد من عزيمتنا
اطحنى اللى ما يعدينا
وعايز يكسر خطوتنا
يا رحاية انت عارفة كل حاجة.. ونيتنا
مش أنا اللى هقولك.. انصفينا
وعلى الحياة ساعدينا.. وحاولى تسعدينا
علشان خاطرى وخاطر لمتنا وبهجتنا
رئيس نادى أدب شربين
