قال رئيس نادي الزمالك، إن «الدكتور توفيق عكاشة، كان عايز يرشح نفسه، ولقيت ليه تصريح إنه كلمني، أنا قلتله أنا متنازلك، وأنا لو لقيت أفضل مني مترشح أنا مش هنزل».
أخبار متعلقة
وأضاف في حواره مع الإعلامي وائل الإبراشي، ببرنامج «العاشرة مساء»، على قناة «دريم»: «أنا رئيس نادي كبير بمشاكله، وعندي مكاتب المحاماه بتاعتي، ومشاكل دايرتي، ورئيس لجنة الأندية، فلو أنا شايف إني عندي وقت أو ينفع أترشح هنزل».
وتابع: «مش شرط رئيس المجلس يكون منتخب ممكن يكون معين بس الأفضل يكون منتخب، والمعين مش وحش رفعت المحجوب كان معين وكان من أفضل الناس اللي دخلوا البرلمان، ويليه الدكتور فتحي سرور، بس كان ترزي قوانين».
واستطرد: «أنا شايف إنه الأنسب لرئاسة البرلمان المستشار أحمد الزند، لأنه مفوه، وأسد القضاة، ووزير العدل ووطني، والناس كلها بتحترمه، ولو أنت شايف أفضل منه هاته».
