هاجم الإعلامي سيد على ما وصفهم بـ«أولي الأمر في البلد»، متهمًا إياهم بأنهم «ما زالوا متمسكين بإعلامهم».
أخبار متعلقة
وقال «علي»، خلال تغطيته للانتخابات: «أنا بعمل اللي عليا، إنتوا أحرار، أولي الأمر في البلد دي هما أحرار، مازالوا متمسكين بإعلامهم ده يتمسكوا بيه، هما اللي هيدفعوا الثمن، وهيفضلوا متمسكين بتكرار نفس الأخطاء، إنتوا أحرار، بس إحنا نبرأ إلى الله سبحانه وتعالى إن إحنا قلنا كلمة حق في الوقت المناسب».
وأضاف: «تسمعونا أهلا وسهلا، متسمعوناش إحنا عملنا اللي علينا، وأنا بقول كلام بدفع تمنه، بس متقدرش تطنش على مستقبل بلد، في عك مهني يصل إلى درجة العك الوطني».
وهاجم «علي» المقاطعين للانتخابات، وقال إن السيدة التي انتخبت بـ«مليون رجل من اللي منزلوش يشاركوا»، مضيفًا: «الست دي جزمتها فوق دماغ كل الناس اللي مشاركوش».
