هنأ الرئيس عبدالفتاح السيسي، الشعب المصري والقوات المسلحة بانتصار أكتوبر، مؤكدا أنه «لا عودة مرة أخرى لزمن الانكسار والانهيار».
أخبار متعلقة
وقال السيسي في كلمة له في الذكرى الـ 42 لحرب أكتوبر، بحضور الباجي السبسي، وقيادات الدولة، اليوم الاثنين: «إحنا اتعرضنا في 1967 لنكسة كبيرة أوي، ومش هنسمح أبدا أن يتكرر ما حدث، ولن يكون بفضل الله سبحانه وتعالى عودة لزمن الانهيار والانكسار، إحنا يقظين أوي ومستعدين ومعتمدين على الله أوي عشان كده مش هيتكرر تاني».
وأضاف: «إحنا محتاجين نقف كتير ونفتكر أحد أهم أسباب نجاحنا في أكتوبر 1973 إنه كانت علاقة خاصة بين الجيش وما زالت وبين الشعب المصري».
وتابع: «كل المصريين كانوا هدفهم استعادة الكرامة والأرض وضحوا بكل شيء لأجل اليوم ده يتحقق».
وأوضح: «الجيش المصري دائما حريص يبقى مع شعبه، أنا اتكلمت كتير السنتين اللي فاتوا، وبأكد تاني الجيش المصري محب لبلاده وشعبه وهيفضل يقدم العطاء ده لبلاده، أول درس نخلي بالنا منه الجيش والشعب دائما مع بعض».
وأكد: «ماحدش هيقدر يهزم إرادتنا، إرادة الحياة والتعمير لدينا».
