وجه المطرب حمزة نمرة الشكر للفنان مصطفى كامل، بعدما قرر الأخير التحقيق في تزوير توقيعه على قرار شطب «نمرة» من نقابة الموسيقيين.
أخبار متعلقة
ووجه «نمرة» في بيان له، الثلاثاء، الشكر لكل من وقف بجانبه خلال أزمة «شطبه من نقابة الموسيقيين»، مضيفا: «مفيش حاجة هتقدر تعبر عن حبي ليكم يا جدعان، أنا ربنا كرمني بيكم ويارب دايماً أفضل عند حسن ظنكم، وكل واحد رغم اختلافه معايا ما منعوش الاختلاف إنه ينصفني، أنتم على راسي من فوق والله».
وأضاف: «أشكر مصطفى كامل لتوضيحه موقف النقابة، وده أفضل رد ع الكلام العجيب اللي اتقال عني الأيام اللي فاتت اللي ملوش أي أساس من الصحة»، مؤكدا: «ربنا يعلم أنا عمري ما غلطت في حق حد ولا أسأت لحد، حتى لو حد ظلمني، بسكت وما بدخلش في أي سجالات أو معارك لأن دي طبيعتي، اللي هيبقى للإنسان هو السمعة الحسنة».
واختتم بيانه: «أنا مستمر في تقديم الفن اللي أنا بحبه، ومستمر في تقديم الحفلات، وأشوفكم الحفلة الجاية والله أعلم».
