محمد صلاح يثير جدلا على «تويتر» بسبب «ربنا قال: تفاءلوا بالخير تجدوه»

طالب اللاعب محمد صلاح، متابعيه على «تويتر» بـ«التفاؤل»، وقال: «دا ربنا قال (تفاءلوا بالخير تجدوه) ولا احنا فعلا بعيد اوي كده عن ربنا».

وأثارت التويته سخرية متابعيه، وقال عبدالله العنزي: «واحد يسكت محمد صلاح يا إخوان»، وأضاف «كابو»: «والله كابتن محمد صلاح دخل نفسه في حوارات وهيعملنا زي اللي عايشين بره وبيكلمونا عن حب الوطن وما تقولش ايه ادتنا مصر وقول هندي ايه لمصر».

فيما أضاف «باسل»: «محمد صلاح راحت منه بعد ما قابل عمرو خالد تقريبا»، وقال على رضا ساخرا: «لا تأخذوا الحكمة من فم محمد صلاح»، وكتب معتز خليفة: «محمد صلاح المرشد العام الجديد .. احذروه».

دا ربنا قال ( تفائلوا بالخير تجدوه ) ولا احنا فعلا بعيد اوي كده عن ربنا

— Mohamed Salah (@22mosalah) February 12، 2015

وأضاف «صلاح»: «أنا بقول اللي شايفه لو كل واحد عايز البلد تتقدم يبدأ بنفسه يشوف كده قبل آخر اليوم هوا عمل إيه في يومه كله يشوف هوا سلبي ولا إيجابي».

أنا تقريبا مشوفتش كومنت واحد فيه تفائل ولا حتي بيقول إن فيه أمل ان مصر تبقا أحسن وكل الرد كان من شباب امال فين التفائل

— Mohamed Salah (@22mosalah) February 12، 2015

وأوضح: «والله أنا مش بقول كده علشان اتفلسف على حد بس فعلا والله أي كتاب قريته أو أي شخص ناجح قابلته قالي نفس الكلام».

وأشار إلى أنه لم ير أي «تعليق به تفاؤل أو يقول فيه أمل إن مصر تبقى أحسن، فين التفاؤل؟».