فجر والد الضحية أحمد مدحت، طالب الفرقة الرابعة بكلية الهندية، أحد ضحايا مذبحة استاد الدفاع الجوي، مساء الإثنين، مفاجأة من العيار الثقيل، بقوله لكاميرا برنامج «صباحك مصري»، على قناة «أم بي سي مصر 2» ، إن «ابنه مات مقتول برصاصتين في الصدر وجرح عميق خلف الأذن»، وليس نتيجة التدافع بحسب بيان الداخلية.
أخبار متعلقة
وقال والد الضحية «حاولت اتصل به من حاولي الساعة 7:30 مفيش اتصال خالص الشبكة مغلقة وغير متاح خلص الماتش قولتلهم شوفوا صاحبه اللي كان بيقول هقعد معاه اتصلنا مفيش قولنا نجيب نمرة تليفونه من على النت وفتحنا لقينا صورته ملثم جثة وقتيل (وبكى)».
وأضاف والد الضحية «مقدرتش اتمالك نفسي نزلت زي المجنون ادور عليه في الشوارع قالك روح مستشفى القاهرة في القطامية روحنا قال كلأ دا مشرحة زينهم معاملة زي الزفت بالصور تتعرف على الجثة بتاعت ابنك دخلنا طبعا مهزلة، يديك استمارة يقولك العينة تحت الفحص جثة هامدة ويقولك تحت الفحص».
وتابع: «يخاف أن يحط في التقرير الطبي اللي كاتبه أن ابني مقتول بطلقتين في صدره ورأسه متهشمة ومفتوح من ورا دماغه فتح عميق جدًا نتيجة طلق ناري لما وقع من على السور طالب من كلية الهندسة من الأوائل.. هما بوضظوا الجثة عشان يداروا القلق والوساخة بتاعتهم فتح من أول الذقن لغاية أسفل السرة كل ده عشان يداروا الجريمة اللي هما عاملينها يقولك غازات مسيلة كدابين نفاق في كل كلمة بيقولوها حسبي الله ونعم الوكيل».
