قالت الإعلامية ريهام سعيد أنها وطاقمها اكتشفوا انتحال البعض صفة أشخاص من طاقم البرنامج، فيما حذرت الناس من التعامل معهم، ووجهت لأحدهم، والذي انتحل شخصية «زيزو» رسالة قائلة: «هجيبك هجيبك».
أخبار متعلقة
وأوضحت «سعيد»، في برنامجها «صبايا الخير»: «اكتشفنا إيه بقا، اكتشفنا إن احنا عندنا دوبلير، يعني إيه؟، يعني الكرو (الطاقم) بتاعي ده، أنا دائمًا بقول الأسامي على التليفزيون لأن أنا فخورة بكل واحد فيهم، وبحب أوي يظهروا معايا على الشاشة».
وتابعت: «لما بقول بقا زيزو، مهران، راضي، واحد كدة بقا بيتفرج على التليفزيون يعمل فهلوي، فيقولك طيب ما أتقمص زيزو، أو أبقى النهاردة راضي، أو ألعب دور مهران، أو أبقى أحمد حسين، أو أبقى شعراوي، أو أبقى معاذ، أو أبقى على، أو أبقى أحمد شاهين، أو أبقى أي حد من الحاجات دي».
واستطردت: «هو أنا لو اتكلمت وقلت أنا زيزو الفرماوي من صبايا الخير محدش هيصدقني؟ واخدلي خمس ست سبع آلاف جنيه، أو أكلم أم مؤمن أو أم مؤمن تكلمني وأعمل بتاع صبايا الخير وأقولها طيب لما تبقي تلاقيه نبقى نصور وهو ولا يعرف صبايا الخير، ولا كلم صبايا الخير، ولا أي حاجة».
وتابعت: «إحنا عندنا دلوقتي يا جماعة ناس دوبلير، مش احنا، بيكلموك ويقنعوك إن احنا ويسمعوك تتر البرنامج، ويدخلوا على الـYoutube يسمعوك صوتي عشان يقولولك إحنا داخلين على الهوا حتى لو حلقة قديمة».
وكشفت أن شخصًا اتصل بعائلة الطفل كريم وادعى أنه زيزو الفرماوي قائلة له: «طبعًا أنت بتتفرج علينا دلوقتي وهجيبك هجيبك، يعني هجيبك بجد مفهاش، يعني لو عملت مكافآة مالية إن حد يرشدني لك هجيبك».
