قال الإعلامي عمرو أديب، إن الشعب المصري لم يصل لحالة النضج السياسي الكامل حتى الآن ولا يصلح لممارسة الديمقراطية، مُضيفًا: «إحنا شعب دماغه بايظة ومهلبيةوبنختار غلط».
أخبار متعلقة
وتابع «أديب»، خلال برنامجه «القاهرة اليوم»، على فضائية «اليوم»، مساء الأحد: «إحنا اللي كنا بنجيب مبارك كل مرة وبنعمله أغاني، لكن الناس اللي كانت عايزاه 30 سنة صحيت في يوم قالت مش عايزينه، مشي مبارك وجه المجلس العسكري والناس قالت عايزين ديمقراطية، عملنا انتخابات رئاسية وجبنا الجاسوس محمد مرسي بأكتر من 26 مليون صوت، وفي الآخر طلع ما بيعرفش يكتب اسمه، ويوم 30 يونيه مش أقل من نصهم فاقوا وقالوا هنمشي مرسي، كل دي اختياراتنا».
واستكمل: «بعد كل دا وبعد وثورتين مبارك طلع براءة وتسمع زغروطة حلوة في الشارع، فيه إيه.. من أنتم؟، شعب غريب جدًا، عايزين بعد 4 سنين تجيبوا حسني مبارك أو جمال مبارك؟، طب والناس اللي ماتت والاقتصاد والحياة اللي باظت».
