أثار قرار محكمة جنايات القاهرة، السبت، مد أجل النطق بالحكم في قضية «قتل المتظاهرين والفساد المالي» لجلسة 29 نوفمبر المقبل، ردود فعل واسعة على الشبكات الاجتماعية.
أخبار متعلقة
اللي ياخد الامور بجدية في البلد دي عبيط جدا
— Ahmed Ghaffar (@Heemalization) September 27، 2014
وأوضح المستشار محمود كامل الرشيدي، رئيس المحكمة، سبب إرجاء النطق بالحكم إلى استكمال كتابة أسباب الحكم الخاص بكل متهم، «مازلنا نستكمل المداولة وخير بيان لنا ما عرضناه في التقرير التليفزيوني عن عدد أوراق القضية (160 ألف ورقة)».
وتهكم متابعون لجلسة المحكمة من تأجيل النطق بالحكم في القضية، وعرض تقرير تليفزيوني قصير خلالها عن أوراق القضية من داخل غرفة المداولة.
القاضي: عارفين انا النعاردة هاحكم بأيه؟ الشعب: ايه؟ القاضي: العب باليه
— قاهر الفولورز (@seksek) September 27، 2014
وكتب حساب «تاجر السعادة» على «تويتر»: «بموجب المادة الـ١٤ إنت ليك الحق متدخلش الامتحان بحجة إن ورق المذاكرة كتير وملحقتش تذاكره».
ف الجزء التاني لازم تقدم جديد بقى عشان الجمهور
— emad mubarak (@emad_mubarak) September 27، 2014
وقالت نسمة ناجي ساخرة: «أجل جلستي لما القيامة تقوم»، وأضاف حساب «Big Brozer»: «طب ما نعمل زي فويس وآراب جت تاﻻنت ونخلي المشاهدين يصوتوا: (أرسل 1 للبراءة أرسل 2 للإعدام، أرسل 0 لو مش عارف».
وقال الكاتب الساخر محمد عبدالرحمن: «وليه ميكونش سبب التأجيل إن في فيلم تسجيلي تانى وصدى البلد متأخرة في المونتاج».
انزل بمزيكا الكاميرا الخفية
— Mhmd AbdelRahman (@MhmdAbdelRahman) September 27، 2014
ومثله كتب حازم بركات متهكمًا من تأجيل النطق بالحكم: «القضاء المصري فرع التشويق والإثارة».
مبارك: وسايب المششفى وواخد الهليكوبتر ورايح ع السبورة وجاي م السبورة ..عاجبك طولي يعني ؟!! #محاكمة_القرن
— Mohamed Emam (@memam8) September 27، 2014
وقالت «ماري»: «مد أجل (النطق بالحكم) لحين الانتهاء من أعمال الصيانة في بقية الشقة اللي فيها أوراق القضية».
القضاء المصري يؤجل الحكم أملاً في قضاء الله. #محاكمة_القرن
— المحروسة (@M7rusa) September 27، 2014
وكتبت سلسبيل ساخرة: «محاكمة أكاديمي».. وأضافت شيماء جمال: «البلد كلها بقت أفلام اللمبي ستايل».
عليكم واحد #القضاء_المصري
— ◥◣ʍɑí◢◤ (@iMaioia) September 27، 2014
وقالت هبة عبدالعزيز: «القاضي كان ناقصله ياخد سيلفي مع الملفات في بيته».
ونقفل المحل وناخد تاكسي ورايح المحاكمة وراجع مالمحاكمة.. وفالآخر تقولي تأجيل 😂
— Wafaa Salem (@WafaaSalem) September 27، 2014
وتساءل خالد الديب: «يعني هو هيعرض فيلم تسجيلي عاملينه صدى البلد بيلخص الأدلة؟ يعني في مونتير في صدى البلد شاف الأدلة قبل أي حد؟ إيه التهريج دا؟».
قرن واحد مش كفاية :)
— simone (@simonoulla) September 27، 2014
وتهكمت أميرة سعد: «بس المخرج والسيناريست جامدين... إدوا الشعب على قفاه النهاردة!».
Trailer المحاكمة!
— Amira Saad (@Amiracles_) September 27، 2014
المحاكمة طلعت Preview بس...
— Amira Saad (@Amiracles_) September 27، 2014
أجل جلستي لما الجيامة تجوووووم...! #محاكمة_القرن pic.twitter.com/qsWSHBkrHM
— عـــمـ محمود ــــرو (@Amr_Mahmoud97) September 27، 2014
