فيديو.. «أديب»: الستات بتخاف تقول لجوزها «اتحرشوا بيا».. «إيه الهطل ده؟»

قال الإعلامي عمرو أديب، إن 80% من حوادث التحرش «الست بتبلعها، وبتخاف تقول لجوزها وبتتكسف من عيالها».

وأضاف «أديب»، في برنامجه «القاهرة اليوم»، على قناة «اليوم»، مساء الأثنين: «أنا مش من مدرسة الوعظ ونقول الكلام دا غلط والإعلام يطلع يقول بلاش تمسك واحد اتحرش واحدة ماشية في الشارع، إيه الهبل دا؟، إيه الهطل اللي أنتو فيه؟، دا حيوان وسافل ومش متربي».

وتابع: «استفدت إيه لما صورت وحطيته على النت؟، كام واحد دخل يتفرج في يومين، دول قربوا من عدد مشاهدات أغنية حسين الجسمي، دا تصرف سافل وكلنا مشاركين بصراحة».

واستكمل «أديب»: «اللي بيقولي السبب هو تأخر سن الزواج، أنا مابشوفش الشباب والبنات حاضنين بعض كده في أوروبا، أنتو محرومين يعني؟، هما دول اللي بيتفرجوا على أفلام المنتج الشهير اللي عارفينه دول زباينه، واللي بيسمعوا المزيكا إياها دي».