دعت جيهان السادات، زوجة الرئيس الراحل محمد أنور السادات، المصريين للنزول والمشاركة في الانتخابات الرئاسية، التي تشهدها البلاد، داعية الشباب «اللي زي الورد» إلى الاستجابة لدعوتها.
أخبار متعلقة
ووجّهت «جيهان»، كلمة للشعب في ثاني أيام انتخابات الرئاسة وأذاعها التليفزيون المصري، مساء الثلاثاء، حيث قالت خلالها: «نفسي كل المصريين ينزلوا النهاردة، مصر محتاجة كل صوت وكل واحد فيكم، مصر بتمر بمرحلة دقيقة في تاريخها، نفسنا نقف إيد واحدة عشان مستقبل مصر».
وأضافت: «أنا متفائلة ومتفائلة إن مستقبل مصر هيكون أجمل ما يمكن.. والمستقبل مشرق والمستقبل المشرق مايجيش كده، لازم الشعب يقف إيد واحدة».
وتابعت: «ننزل وندي صوتنا كلنا عشان المستقبل يبقى أفضل من الماضي».
واعتبرت «جيهان»، التي ستبلغ 81 عامًا في أغسطس المقبل، أن «فيه مؤامرات تحاك على مصر»، مضيفة: «مصر مهددة بدول كبيرة نفسها تفتتنا وتضعفنا، ونفسي نقف إيد واحدة ضد كل هذا، مش بالكلام بالنزول وإعطاء صوتنا».
كما خاطبت الشباب بقولها: «نفسي الشباب شبابنا ولادنا اللي زي الورد ينزلوا مفيش وقت للندم، ولازم نقف جنب مصر وشعبها، والعالم بره انبهر بصوت المصريين في الخارج، وكلنا النهارده نقف عشان مصر مش كلام نقف بالفعل»، خاتمة بقولها: «ننزل وننزل وننزل وندي صوتنا ونشارك في مستقبل مصر».
