قال عبد الله بدر، في فيديو نُشر على موقع «يوتيوب»، الخميس، إن الرئيس محمد مرسي «عمال يثبت للمعارضة إنه بُق، واللي يزعل يطق»، لافتًا إلى أن سياسة الرئيس «فاشلة بكل معاني الكلمة، ماينفعش يحكم عشة بالمنظر ده».
أخبار متعلقة
وأضاف «بدر»: «شوية عيال مالهمش لازمة يقولوا يا شيخ هننتفهالك شعرة شعرة، وجرّأوا العيال علينا، شايفين بُق مش شايفين عقوبة، وأهل العلم قالوها من قبلنا مَن أَمِنَ العقوبة أساء الأدب».
وتابع: «ربنا قال فكيف كان إيه؟.. اتعلم إزاي الإنكار، عشان كده كان كيف كان نكير فأخذتهم، أي انظر كيف كان الله أن استأصل شأفتهم، الفعل يا بابا مابقاش بُق، مش أقعد سنتين تلاتة بُق وأُجرئ الهفأ والصُّيع والفاشلين، لأنه مفيش سير على منهج الله»، معتبرًا أن الرئيس مرسي «يريد أن يسترضي خلق الله في غضب الله».
وانتقد «بدر» دعوة الرئيس مرسي للمعارضة لحضور جلسات الحوار الوطني، وقال: «ناس مش عايزين دين وشريعة، حوار إيه ونيلة إيه بتطيب خاطرهم؟، وإذا ظل الإنكار كلامًا فإنه لا يقدم ولا يؤخر، وخذها قاعدة كده»، مضيفًا: «أنا أستغرب لما كافر ربنا يهلكه ولا يموت، ولا بلاد كفر زلزال أو بركان يضيع فيها يقولوا نأسف، يا راجل حزين وتتأسف على مين، الله يحرقهم مطرح ما راحوا، شوف إحنا رايحين فين، فين الهوية الإسلامية، والله أنا حزين في قمة حزني».
