أيمن بهجت قمر معلقًا على خلاف «الإخوان والسلفيين»: «الاتنين مرتزقة ومحدثين سلطة»

وصف الشاعر والسيناريست أيمن بهجت قمر، «الإخوان والسلفيين» بأنهم «مرتزقة ومحدثو شهرة وسلطة»، معتبرًا أن حديث كل طرف منهما عن أخطاء الآخر بعد وقوع الخلاف الدائر حاليًا بينهما، يدل على عدم تمسكهما بالشعارات التي تدعو إلى الهدوء والتي نادوا بها من قبل.

وقال «قمر»، تعليقًا على الخلاف الحالي بين الفصيلين، على صفحته الخاصة على موقع التواصل الاجتماعي «فيس بوك»: «هما الأخوه السلفيين ما افتكروش مسؤولية مرسي عن العيال اللي بتموت غير لما وقعوا في بعض؟ هو من الشرف إنك تداري عليهم باستماته لحد ما الأمر يتعارض مع مصالحك ولا رجالتك فبتقلب الترابيزه وبتشردلهم؟ أمال فين نغمة الهدوء والاستقرار ومصر أولًا اللي هروا أهالينا بيها».

وأضاف: «دول ولا دول مايفرقوش معايا، لأنهم مرتزقة ومحدثو شهرة وسُلطه، أنا اللي فارق معايا، الناس، عشان كده بجد برجو أصدقائي المحبين والمنتمين للتيارات دي على الأقل المتعلمين منهم إنهم يفكروا، وبقول لكل واحد فيهم صدقني ارتباطك بيهم مش ارتباط بالدين ولا العقيده إنت كده كده مسلم من قبل مانتبلي بيهم».