نشطاء ضد «شفيق»: «مضطرون وعاصرين على نفسنا لمون وهنبقى مرسيون»

«حملة مضطرون وعاصرين على نفسنا لمون، وهنبقى مرسيون، شعار يردده البعض، تعصر لمون، تعصر برتقال، المهم متديش للفشيق فريق».. بهذه الكلمات دشن عدد من نشطاء موقع التواصل الاجتماعي، «فيس بوك»، في ساعة متأخرة من ليل الجمعة، صفحة بعنوان: «مضطرون وعاصرين على نفسنا لمون».

وعلقت الصفحة الداعية إلى انتخاب مرشح حزب الحرية والعدالة، الدكتور محمد مرسي، بدلا من الفريق أحمد شفيق، في جولة الإعادة، قائلة: «اعصر يا إخواني إنت كمان على نفسك لمونة، وبلاش تقول لي ما قدامكش إلا مرشح الإخوان دلوقتي، وما كنتوش هتعرفوا تعيشوا من غيرنا!».

وعلقت صفحة «مضطرون وعاصرين على نفسنا لمون»، بشكل ساخر على نتائج الفرز شبه النهائية للانتخابات الرئاسية، قائلة: «حكمة قالها أحمد سبايدر زمان، معرفناش معناها غير دلوقتي»، مستشهدة بقول سبايدر: «أووووووقسم بالله يا شعب إنتوا ما عارفين إنتوا رايحين على فين»، خاتمة الاستشهاد بقولها: «كم أنت عظيم يا سبايدر!!».

وقال أدمن الصفحة: «إنتم فاكرين إن هدفي أقنع نفسي، وأقنعكم إننا نعصر علي نفسنا مزرعة ليمون وننتخب مرسي بس؟، طب والناس اللي في الشارع، أو مش معانا في الصفحة ؟، لازم كل واحد فينا ميسيبش حد يعرف إنه حيقاطع أو حينتخب شفيق، غير لما يغير له رأيه».

وبرر ذلك قائلا: «أنا عمري ما اتكلمت في حوارات حلال وحرام في الانتخابات، بس حاسس إن ربنا حيحاسبني لو معملتش كده، وأقنعت الناس حيحاسبني علي تقصيري، مش كده؟».

ورفضت صفحة «مضطرون وعاصرين على نفسنا لمون»، التي وصل عدد أعضائها في ليلة واحدة لأكثر من 4 آلاف مشارك، ما يدعو إليه البعض بمقاطعة الانتخابات الرئاسية في جولة الإعادة إذا تمت بين مرسي وشفيق، حتى لايعود نظام مبارك من جديد، قائلة: «على رأي المثل، المضطر يعمل إيه، المضطر يعصر لمونة وينتخب مرسي».