كأن موسيقى بتهوفن
أخبار متعلقة
بتتغنى ف فرح بلدى
كأن العيد سبق مواعيده
فى النوته وجه بدرى
أنا وياك.. وبعد القرب
كما الصورة.. جميلة
بس مش لايقة مع البرواز
كما لو كان ما بينا قزاز
بيفصل روحى عن روحك
لكن عارف
بطول السكة كان حلمى
أنام وانا حاضنة ضى عنيك
يسكن من ألم روحى
وافتح عينى على إيديك
بتروى الورد لخدودى
فتحلو الحياة حبة
ويرجع قلبى يتهجى
معانى الحب من تانى
مفيش ولا سكة تجمعنا
مفيش ولا كلمة ولا معنى
يقول اللى احنا فيه.. ده غرام
يجوز القلب لسه حزين
يجوز الغربة توجعنا
لكن مش معنى عطش الروح
نعيش أحلام تضيعنا.
