أخبار متعلقة
«سحر دانتى»
بكِسْرة عيش ناشفة
وحِفْنة ميَّة
بيرضى النُسَّاك
على روس الجبال.
وطول ما السما الصافية
حبلى بالغيوم؛
هيتَنُّه فيه أمل
للشجر الواقف
وفروعه بتنشف،
وهتفضل الحيتان
تعبِّى ف مَيِّة
بدون الميَّة ما تخلص
أو البحور تجفّ..
وبدون ما يفكر دانتى
ف وسيلة ناجحة
تخلَّصنا من عتمة الجحيم
اللى خلقها ف ذهنه
وغمرنا بسحره جواها؛
هتفضل تكرّ
ورا بعضيها الأيام،
والسنين تودِّى واحدة
للتانية..
واحنا ف كل لحظة
مطبَّقين جفوننا
بنحلم بالقيامة.
