هى بلدنا وأغلى حبيب.. هى الحضن وهى الطيب.. اللى معطر روح ليالينا.. هى سفينة وبتعدينا.. هى المرسى وهى المينا.. هى الحلم اللى يقوينا.. هى الفاس لازم ف إيدينا.. نملا بلدنا ورد وفل.. أرض الخير تساع الكل.. وكمان ترس يدور وينور.. ترس يدور بينا وآهو لينا.. هى الضلة فى عز الشمس.. هى الكلمة وهى الهمس.. هى النسمة وضى القمرة.. هى بهية وهى السمرة.. اللى عشانها تكون خطاوينا.. هى النيل والميه العاشقة.. تروى كل العطشان فينا.. مهما بنبعد عنها بنرجع.. وإحنا الشوق لعيونها ملينا.. كفر الشيخ أسوان مع سينا.. لما هتبقى بلدنا أمينة.. يبقى العقد حروف أسامينا.. هى الماضى عز وباقى.. فيها الذكرى الحلوة الغنوة.. أجمل قعدة وأحلى ساعات.. هى الحاضر لمة وفرحة.. والمستقبل جاى لولادى.. ساكنة فى قلبى وتقعد جنبى.. فى العصرية أشكى لها مواجعى.. ألقى الحضن وتمسح دمعى.. وإن زاد حزنى علىَّ فى ليلى.. من الفجرية بتصحينى.. أسمع صوتها بينسينى.. كل همومى ويودينى.. أحضن بكرة بشوق علشانها.. دا اللى ما بينى وبينها كتير.. هى العش وقلبى الطير.. لمة أخواتها فى برج حمام.. دايما بصة على قدام.
أخبار متعلقة
أحمد الزينى- معلم أول لغة إنجليزية
