«المليان بيكب على الفاضى» : اللى عنده غاز بيدى للى معندوش بوتاجاز

أمل الحصول على أنبوبة الذى فقدته من طول انتظارها فى الطوابير وارتفاع سعر الأنبوبة لأكثر من 40 جنيهاً، عاد إليها من جديد، ليس فى صورة أنبوبة، لكن فى حل مؤقت اتبعته هى وأغلب أهالى منطقة كفر طهرمس: «كلنا إيد واحدة فى المشاكل، والمليان بيكب على الفاضى، اللى عنده غاز طبيعى بيفتح بيته ومطبخه للى عايش على الأنبوبة». قالتها علية وهى جالسة على فرشة بيع الخضار التى تقتات منها هى ووالدتها، فالأم والابنة تسكنان عمارة واحدة، شاءت الأقدار أن تعرف الأم طعم النعيم ودخول الغاز إلى شقتها فى الدور الأول، بينما ظلت الابنة فى معاناة لعدم دخول الغاز شقتها الدور الرابع بسبب عدم توصيل الكهرباء بشكل شرعى. قرار علية بالاعتماد على والدتها، اتخذه جيران آخرون، اعتادوا المجىء يومياً إلى أم علية وإكرامها لكى تسمح لهم باستخدام مطبخها فى تحضير طعامهم، وإن لجأوا أيضاً إلى حل بديل، لخصته علية: كل بيت فيه دلوقتى وابور جاز اشتريناه بـ15 جنيه، أهه يبقى فى البيت لزوم الشاى وتسخين الميه للاستحمام، ما هو مش كل شويه هنط وانزل عند أمى، برضه إن كان حبيبك عسل».