سيطرت أحداث ليلة الأحد بميدان التحرير على تعليقات مواقع التواصل الاجتماعى وتزايدت التعليقات مع ظهور اللواء محسن الفنجرى هاتفيا على أكثر من قناة، حيث قال «المعتصمون فى ميدان التحرير ليسوا من مصابى الثورة».
أخبار متعلقة
ومن التعليقات على موقع «فيس بوك»، قال أسامة الشافعى: «التصريح اللى بعده.. أصلاً مفيش ثورة»، وقالت سامية عبدالبر: «هى عافية يعنى ولا إيه، يعنى كل اللى فى الميدان كدابين وسيادة اللوا معصوم»، وتساءل مايك فاروق ساخرا: «غريبة مع إن مفروض عيسوى هو اللى يقول كده.. هو فيه معتصمين أصلا عالم عجيبة فعلا!!».
وقال محمد الشاعر: «حتى لو مش من مصابى الثورة، الناس دى بتحب مصر»، محمد بركات: «طب وتفرق معاك إن كانوا مصابين ولا غيرهم، المهم ثوار وخلاص»، وقال أيمن جمال: «أمال هبطوا علينا من الفضاء، روح شوفهم وبعدين ابقى قول هما من مصابى الثوره ولا لأ».
وتساءلت أسماء القمر: «يا ترى نزلت بنفسك وعرفت إنهم مش من مصابى الثورة»، إسراء سويلم: «واضح إنه كان مضايقكم إنهم مش من المصابين فـقررتوا تخلوهم مصابين!»، وقال محمد صابر: «آه فهمت.. هم مش من مصابى الثورة فانتم حبيتم تخلوهم من شهداء الثورة»، وقال محمود عادل: «أيوه يا جدعان، ما هم يا إما قلة مندسة أو إسرائيليين أو أمريكان أو من حركة حماس أو يمكن ناس جاية من كوكب زحل عشان تعمل فتنة فى مصر».
