هاجمت الفنانة داليا البحيري اللاعب محمد أبوتريكة وقالت عبر حسابها الرسمي بموقع التواصل الاجتماعي «فيسبوك»: «أبوتريكة إرهابي من قبل ما يساند الإخوان! خلقته بتقول إرهابي».
أخبار متعلقة
واعترض عدد من الفنانين والإعلاميين على موقف داليا، فقالت الإعلامية دعاء فاروق: «معروفة كان يفجر القنبلة قبل الماتش مايخلص بدقيقة ويجيب جون»، لترد داليا قائلة «والله لو بيجيب مليون جون يغوروا، ابو الكورة اصلا».
وقال المنتج طارق الجنايني «ليه بس الظلم ده»، لترد عليه داليا قائلة «بكرهة لله في لله كده من زمان ...وشه كله لؤم فلاحين...ونظراته مش مريحة خالص».
أما آيتن عامر فعلقت: «انتى بتتريقى ولا ده بجد؟ بصى لو بجد أوعى تصدقي أي حاجة بتتقال عن حد اليومين دول حتى لو كانت حاجة إيجابية»، وردت عليها داليا قائلة «مبحبوش يا آيتن» وهو ما جعل الأخيرة ترد قائلة «أصل أنا بحبه جدا الصراحة».
