السيسي: تفجير الكنيسة البطرسية «ضربة إحباط».. وأوعوا تقولوا «خلل أمني»

قال الرئيس عبدالفتاح السيسي، إن تفجير الكنيسة البطرسية بالعباسية «ضربة إحباط» مضيفا: «ومش هيقدروا أبدا علينا إحنا مش محبطين وطول ما إحنا مع بعض وإيد واحدة هننتصر لأننا أهل خير وأهل بناء وتعمير وإصلاح وليس خراب وإفساد».

وأضاف الرئيس في كلمته خلال حضوره تشييع جثامين ضحايا تفجير الكنيسة البطرسية أمام النصب التذكاري بمدينة نصر، الإثنين: «أنتم لا تعلمون حجم النجاح اللي حققناه، في مواجهة الإرهاب وفي سيناء، إحنا حققنا نجاح كبير أوي».

وتابع: «اللي حصل أوعوا تقولوا خلل أمني، لو عايز أريحكم هعمل حاجات كتير أوي»، وتابع بقوله: «عزائي لكم كلكم أبدا أبدا مش هقول أشقائنا المسيحيين وهقول عزائنا لكل المصريين».

وأكد الرئيس السيسي أن التفجير «ضربة وجعتنا» وسببت ألم كتير لينا لكن أبدا أبدا مش هتكسرنا هنقف وهنبقى أقوياء جدا جدا كالعادة وهنصمد والحرب إن شاء الله إن شاء الله هننجح فيها».

واختتم: «اقبلوا عزائي يا سيادة البابا».