السيسي في جنازة شهداء الكنيسة البطرسية: «إحنا مش هنسيب تارنا» (فيديو)

شدد الرئيس عبدالفتاح السيسي على أن مصر ستثأر من منفذي الانفجار الذي وقع في الكنيسة البطرسية، قائلًا: «إحنا مش هنسيب تارنا».

وقال السيسي إن «العزاء لكل المصريين، والمصاب مصابنا كلنا، وإحنا حاجة واحدة، واللي بيحصل ده.. عارفين الإحباط، عارفين اللي غلبوا في المصريين، غلبوا فينا، يعملوا في الاقتصاد مفيش فايدة، يعملوا إرهاب مفيش فايدة، يعملوا بلبلة مفيش فايدة».

وأضاف السيسي، الذي تقدم مشيعي الجنازة الرسمية لشهداء الكنيسة البطرسية، الإثنين، أن «ده إحباط، لأن المصريين حيروهم، الحاجة غالية مفيش فايدة، ناخد الزيت والسكر مفيش فايدة».

وتابع: «75 كنيسة يدمروها لكم مفيش فايدة برضه.. لا.. أولا إحنا مش هنسيب تارنا، وبصراحة بقى الحكومة والبرلمان لازم نتحرك بشكل أكثر من كده، لأن القوانين المكبلة القضاء مش هينفع كده، ولازم تعالج الإرهاب بشكل حاسم».

واستطرد: «كل من استهدف المساس بأمنا وبأحبائنا.. لا مش هينفع كده».