استوقفت طفلة بالصف الثالث الابتدائي، المحاسب حسام الدين إمام، محافظ الدقهلية، الإثنين، أثناء توزيعه مواد غذائية بقرية أتميدة التابعة لمركز ميت غمر، في إطار حملة «رد الجميل»، وطلبت منه مساعدتها هي وأخواتها الثلاثة بعدما فقدوا الأم والأب.
أخبار متعلقة
واخترقت الطفلة فادية الششتاوي عبده «8 سنوات» جموع المواطنين المحيطين بالمحافظ وقالت بصوت بريء ومرتعش: «أنا عايزة المحافظ ضروري»، فابتسم المحافظ وربت على كتفها قائلا «أنا المحافظ يا حبيبتي قولي كل اللى إنتي عايزاه أنا سامعك».
وقالت الطفلة «إنت زي بابا، وعايزة أقولك إني يتيمة وماما وبابا ماتوا وسابونا لوحدنا أنا وإخواتي الثلاثة، وإحنا عايشين مع جدتنا، لكن مفيش معانا فلوس نسدد الإيجار ومش لاقيين حد يساعدنا وهننطرد من الشقة»، فتأثر المحافظ وهو يقول «أنا لي الشرف إني أبقى أب لبنت جميلة زيك كدة، وإن شاء الله كل حاجة هتبقى كويسة ومش هتجتاجوا لحد أبدًا».
وكلف المهندس سعد الفرماوي، رئيس مركز ومدينة ميت غمر، بالتوجه مع الطفلة لمنزل جدتها وإجراء بحث حالة فوري، كما استدعى وكيل وزارة الشؤون الاجتماعية، وكلفه بدفع إيجار الشقة مقدما لمدة شهر، كما قرر صرف 2000 جنيه معونة فورية، وصرف معاش استثنائي للأطفال والجدة، يصرف شهريًا من أول أكتوبر، مع دفع مصاريف المدارس للطفلة وأخواتها، وقال لوكيل وزارة الشؤون الاجتماعية «عايز الحاجات دي تخلص وتتصرف لهم النهاردة»، ثم قال للطفلة «إن شاء الله كل حاجة هتتحل حالا ولو عايزة أي حاجة تانية قولي لي وأنا أنفذها فورًا»، فردت وهي تبتسم «شكرا يا بابا كتر خيرك».
وقبل انتهاء جولة المحافظ بمستشفى أتميدة حضرت جدة الطفلة «67 سنة»، وقدمت الشكر له وأكدت أنها تسلمت الإعانة الفورية، فقال لها المحافظ «إن شاء الله بكرة كل التعليمات هتتنفذ ولو احتجتي أي حاجة أو حد اتأخر عليكي تعاليلي فورًا مكتبي مفتوح لك على طول».
