ساعات أحس ثوانى عمرى سرقها منى عقرب ثوانى!.. عمَّال بيجرى، ويسرقها ثانية وراها ثانية.. يخدها منى فى غفلة منى، أو غصب عنى!.. يقل عمرى، ويزيد فى سنى، وتصيبنى حيرة.. ليه الثوانى بقت كبيرة؟!.. بقت ليالى على التوالى تقل عمرى، وتزيد فى سنى!.. يخطر فى بالى من شعر شوقى شطره تقولى: دا العمر كله تجميع ثوانى، وكل أول يكون له تالى، ومع انشغالى أحس إنى دخلت سيما، وشريط حياتى شغَّال قبالى.. من الطفولة سن البساطة سن السهولة.. إلى شبابى سن الرجولة.. إلى الكهولة سن العقولة سن الثوانى.. اللى فى ثوانى تقل عمرى، وتزيد فى سنى، وازداد كهوله!!
أخبار متعلقة
أحمد البغدادى
