وقال على: «الناس بتعتبرنى مجنون لأنى حولت الموتوسيكل بتاعى إلى معرض لصور الرئيس مبارك، وفيه ناس بتقوللى إنت مش لاقى حاجة تعملها هو إنت مش شايف الناس تعبانة إزاى؟».
وأضاف: «لما كنت فى مدرسة (الجهاد الابتدائية) فى منطقة عزبة اللحم كنت غاوى أرسم صور للرؤساء بتوعنا وكنت بأوصى الحلاقين يجمعوا لى المجلات اللى فيها صور للرئيس مبارك لأنى بحبه وبحب مصر أوى، وبحب كل رئيس يمسك البلد خصوصاً مبارك لأنه حمانا من الحروب بقالنا 30 سنة»، وقال فى استحياء: «حاولت أقابل الرئيس مبارك كذا مرة لما جه دمياط بس كانوا بيمنعونى.. نفسى أشوفه وأسلم عليه ويشوف المعرض اللى أنا عامله».
حاول ندا إقامة معرض فى قصر ثقافة دمياط ولكن زهير جاويش مدير قصر الثقافة رفض وقال له: «معندناش فى القصر مكان تعرض فيه». وقال: أخذت شهادة تقدير فى مهرجان القراءة للجميع وطلبت من المحافظ الدكتور فتحى البرادعى مكاناً أقف فيه على النيل فى رأس البر، ووافق، لكن رئيس المدينة «عقد» الموضوع ونفسى الناس والسياح يشوفونى.
ندا عضو فى الحزب الوطنى، لكنه أكد أنه لا يذهب إليه مطلقاً حتى لا يعتقد الناس أنه ينافق الرئيس بوضع صوره على دراجته، وقال: «لما بروح الانتخابات بدى صوتى لمرشحى الحزب الوطنى، ومش عارف الناس ليه بتعارض الحزب الوطنى.. أكيد دى ناس مش بتحب مصر»، وأضاف: «أنا نفسى مبارك يفضل رئيسنا على طول، وجمال ابنه يمسك وراه لأنه ابن الراجل اللى خدمنا ومعيشنا فى أمان».