قال الرئيس عبدالفتاح السيسي إن الدولة اهتمت بتنفيذ أعلى معايير الأمان الخاصة بمحطة الكهرباء النووية.
وأوضح السيسي، خلال حضوره افتتاح عدد من المشروعات الجديدة في أسيوط، صباح الثلاثاء: «حطينا للمحطة أعلى معايير الأمان».
وأضاف: «حرصت إن الدكتور شاكر يشرح لنا الجهد اللي اتعمل، والجهد اللي بتعمله الدولة في مجال وزارة الإسكان، والكهرباء، وحبيت أقول للمصريين إن اللي اتعمل في خلال السنتين اللي فاتوا أمر هين، دي دولة واقفة بتقاتل عشان تقوم، وعشان كده أهل الشر يتكاتفوا عليها أوي، وبقول للمصريين خلوا بالكم».
وتابع: «المواضيع ما بتخلصش بإننا نحط المفتاح في الكالون فتخلص مشكلة الكهرباء، ده عمل بإرادة هائلة وغير طبيعية، زي موضوع الإسكان بنتكلم عن مليون وحدة»، موجهًا الشكر إلى محمد شاكر، وزير الكهرباء، قائلًا: «ظلمتوه كثير جدًا في 2014، والناس فاضلت ماسكاه والكهربا الكهربا، ولما اتحلت ما حدش كشره، فبشكر باسمي وباسم المصريين الدكتور شاكر».