حتى انتى يا فاصوليا

عارف..

أنا عمرى ما حبيت الفاصوليا

ولا الخير اللى بييجى

بأوامر عليا..

ولما جيت أهرب من الدنيا..

لاقيتنى بجرى وراها..

هى الحياة صعبة كده..؟

ولا احنا اللى صعبناها..

ياه..

حتى انتى يا فاصوليا

بقالك سعر..

ياللا..

بالمرة..

وتقولى أوزن الشعر

ياعم روح اوزن بره..

واسمع كلام موزون

مكتوب كده..

من بره..

أنا كتبت أشعار

من قلب فلاح

زرع الخضار..

على راس الغيط

صدقة للمارة..

لكل محتاج..

أو عابر سبيل..

وأنا اتعلمت العشق م القطن

أيام ما كان سيد المحاصيل..

ومشيت مشوار طويل

ومانسيتش قلبك

ولا مرة..