قال المستشار مرتضى منصور، رئيس نادي الزمالك، عضو مجلس النواب، إنه يحضر مفاجأة للنائب علاء عبد المنعم الذي طالب بإسقاط عضويته.
وأضاف «منصور»، في تصريحات للموقع الرسمي لنادي الزمالك: «الأخ علاء عبدالمنعم والله العظيم عاملك مفاجأة مش هتنزل من بيتك بعد ما أفجرها، مش مرتضى منصور اللي يتهز بطلب إسقاط عضوية لا أنت ولا مليون زيك يقدر يمس شعرة من مرتضى منصور، لأن ربنا معي».
وتابع: «أنا محترم وبحترم بتوع دعم الدولة اللي أنت منهم، دائرتي اسمها ميت غمر، لو جبتلهم أهلها أقسم بالله ولا جحافل تقدر تصدهم, أنا مش توفيق عكاشة، أنا مرتضى منصور».
وأردف: «المفاجأة سأعلنها قريباً وستهزك أنت واللي مسلطينك، وسأقول من هو نائب البنزينة».