علق الإعلامي يوسف الحسيني، على تصريحات الرئيس عبدالفتاح السيسي خلال كلمته اليوم بمسرح الجلاء «اسمعوني أنا بس»، قائلًا: «عايزين بس نعرف مش هينفع نقعد نسمع ونسكت، إحنا أسفين».
وأضاف «الحسيني» خلال تقديم برنامجه «السادة المحترمون»، الذي يذاع عى قناة «ONTV»، الأربعاء: «إحنا مش هنقعد نسمع ونسكت ونحط على بوقنا شيكرتون، إحنا منتخباش حضرتك علشان كده».
وتابع: «احنا آسفين يا فندم، ميتقالناش اسمعوني أنا وبس ونفضل ساكتين، احنا بالفعل فضلنا نقول اننا عايزينك تبقى رئيس وزنينا عليك علشان تترشح، بس مش علشان تقولنا كده»، متسائلا: «هي الديمقراطية بتقول اسمعوا مني أنا بس؟».
ووجه الرئيس عبدالفتاح السيسي، رسالة للشارع المصري بكلمته في حفل تدشين استراتيجية مصر للتنمية المستدامة، وقال «لو بتحبوا مصر اسمعوني أنا بس»، مضيفا: «عايزين كلنا نتكاتف عشان ننهض بالبلد لأننا لو معلمناش كده هنقعد 30 سنة عشان نكون متقدمين».