أعلن الإعلامي شريف عامر تضامنه مع دعوات «مقاطعة شركات الاتصالات» بسبب سوء الخدمة والإنترنت.
وقال «عامر»، في حسابه على «تويتر»، الخميس: «مش هاقدر أقفل التليفون طول الفترة (من 5 مساء إلى 10 مساء)، هاقفله على الأقل أكثر من نصفها، لازم توصل الشركات رسالة فعلا، التليفونات بقى حالها بائس».
مش ح اقدر اقفل التليفون طول الفترة.ح اقفله على الاقل أكثر من نصفها.لازم توصل الشركات رسالة فعلا. التليفونات بقى حالها بائس.
— Sherif Amer (@Sherif_Amer_) June 25، 2015
ودشنت صفحة «ثورة الإنترنت» هاشتاج «#مليونيه_مقاطعة_شركات_الاتصالات»، لمقاطعة شركات الإنترنت والاتصالات بغلق الهواتف 5 ساعات لتحسين مستوى الخدمات المقدمة للجمهور.
وبحسب صفحة «ثورة الإنترنت» يبدأ تنفيذ حملة المقاطعة، الخميس، وتستمر حتى 25 أكتوبر المقبل.
وأرجعت «ثورة الإنترنت» أسباب الحملة إلى أنه «لازم تعرف ليه هنقاطع، عشان دي مطالبنا، عشان وعود تخفيض الأسعار من شهر 5 حتى الآن متنفذتش، عشان إعلانات شركات الاتصالات اللي مصروف عليها ملايين وفي الآخر يقولك مش قادرين نخفض الأسعار، عشان بياخدوا فلوسنا ويصرفوها على إعلانات»، معتبرة أنه «مفيش تحسين للخدمات أو حل للمشاكل لما تتصل بخدمة العملاء».
وعن طريقة تفعيل حملة المقاطعة، قالت الصفحة: «(الخميس) هنقفل تليفوناتنا أو هنعملها وضع الطيران من الساعة 5 مساء حتى الساعة 10 مساًء، اعتراضا على سوء خدمات الاتصالات والإنترنت، الخمس ساعات دول هتم على نطاق كبير وشركاتكم هتخسر ملايين، ولازم تعرفوا إننا إحنا القوة وإن كلامنا هو اللي لازم يمشي وغصب عنكم، وأسعار النت هتنزل والسرعات هتزيد».
وأضافت مخاطبة المشاركين في الحملة: «هتصور موبايل كل واحد هيشارك في أول مرحلة للمقاطعة وتبعتها على الصفحة أو الإيفينت الخاص بالحملة ومكتوب فيها محافظتك والهاشتاج».