الدنيا بايظة بوظان كبير.. في قلب وطنى العربى الكبير.. في كل حتة حرب وسعير.. وبيوت بتسقط كده جوه بير.. ودم نازل زى الغدير.. وناس بتصرخ وين الضمير؟.. وين العروبة وين الزئير.. ليه العدالة سايبة الحقير؟!.. والغرب عامل نفسه ضرير.. وساعات مداوى وساعات غفير.. وأهم حاجة عنده المكير.. يبيع سلاحه لينا الخطير.. علشان محمد يضرب سمير.. والأخت فاطمة تكره عبير.. ويصون مصالح ولاد مائير.. اللى أملهم وطنى الكبير.. يخضع ويركع ويعيش كسير.. ومن الفرات للنيل أسير.. ويعود يسوقنا زى الحمير.. ونلاقى خيرنا عنده الكتير.. ادعوا معايا ربِّى القدير.. يهدى عقولنا ويكون نصير.. ويملا قلوبنا فل وعبير.. واللى قسمنا نلقاه يطير.
عثمان بحور- الإسكندرية