هاجمت الإعلامية هند فرحات، طلب تامر أمين، مقُدم برنامج «من الآخر» على قناة «روتانا مصرية»، «للرافضين لسياسات السيسي بالهجرة خارج البلاد»، بقولها: «إحنا قاعدين على قلبهم، ومش هنغور».
وقالت «فرحات» في حلقة برنامجها «حد يفهمنا» على قناة «العاصمة»، مساء الخميس، «مش هنمشي يا أستاذ تامر أمين قاعدين على قلبهم قاعدين مش هنغور زي ما قولت، علشان شوية معاناة اقتصادية، أو علشان ارتفاع سعر البامية، يا أستاذ تامر هو محدودي الدخل مش حقهم يتضايقوا وينتقدوا معيشتهم الصعبة».
وأضافت «علشان نطلع صك الخيانة أنك هتبقى ضد أو مع عايزين نبطله لأن شعار بقى شريف هتتكلم وتفتح بقك تبقى ضد السيسي هتسكت ومش هتتكلم عن أي حاجة هتبقى معانا مين اللي خلاك تتكلم باسم الرئيس السيسي».
وتابعت: «لو حضرتك قاعد في استوديوهات في التكييف وطبعا إحنا عارفين مرتبك قد إيه يبقى متتكلمش عن محدودي الدخل».
كان الإعلامي تامر أمين، قال «اللي مش هيستحمل الظروف الصعبة ومش عاجبه البلد على الوضع ده يأخد باسبوره ويغور، وحدود مصر مفيش أطول منها».