عشانا عليك يا رب.. وغدانا لو تحب.. الدنيا ضلمة ضلمة.. وإمتى راح تقب؟.. ماسك يدوب طريقى.. والحبل مش حقيقى.. والدق من نافوخى.. الروح تتوه تشب.. فى الهم بايتة سوسة.. ورايحة للعنوسة.. نفسى أكون عروسة.. ويجينى حبيب بحب.. فلاح يرزق يومه.. شايل همه وهمومه.. بتعلِّى ليه ف كومه؟.. لاهى كيميا ولاهى طب.. خريج للقهوة ساكن.. ف جراشها يا عينى راكن.. وأمل من لونه داكن.. راكن فى قعر جب.. من إيده يادوب لبقه.. وإن طال للفحت زقه.. دا غشيم جه كسر حُقّه.. قزقز يا عمى لِب.. عشانا عليك يا رب.. وغدانا لو تحب.. الدنيا ضلمة ضلمة.. وإمتى راح تقب؟
سامح لطف الله