تداول مستخدمو التواصل الاجتماعي مقطع فيديو لمشاجرة بين سيدة وأمين شرطة، بمنطقة المعادي، تتهمه السيدة بـ«التحرش بها»، فيما يدافع الشرطي عن نفسه ويقول إن السيدة «تعدت على قوة أمن البنك المصرفي».
ويظهر في الفيديو سيدة تُهاجم أمين شرطة، وتصفه بـ«قليل الأدب»، قائلة له: «يا راجل حرام عليك، أنا مكلمتهوش، يا راجل ربنا ينتقم منك، إنت قليل الأدب، أنا مليش دعوة بيه، أنا كنت واقفة مستنية تاكسي، ومعرفش البنك اللي بتقول عليه ده».
وأضافت السيدة، بحسب الفيديو، مخاطبة أمين الشرطة: «إنت كنت ماشي ورايا ليه؟، أنا كنت واقفة عند البوابة، إنت قليل الأدب، واتكلم عدل يا...، إنت ماشي بقلة أدبك».
ورد أمين الشرطة، على السيدة، أمام ضابط: «يا باشا إسأل فرد الأمن أنا كنت فين، أول ما شفتها حوالين البنك (بتبرم) شكيت فيها».
ونشر الناشط وائل عباس، الفيديو عبر صفحته على «فيس بوك»، وعلق عليه قائلا: «وصلني هذا الفيديو حصريا وقصته كما أرسلها لي صاحب الفيديو كالتالي: «الموقف ده حصل أمس الثلاثاء، في منطقة المعادي، كنا واقفين في شارع اللاسلكي ولقينا واحدة بتصرخ، ولقينا سيدة ماسكة في أمين شرطة وهو بيشلت (يضرب) فيها، تدخلنا لفض الاشتباك، ومن كلامها الأمين كان بيتحرش بيها ولما زعقت ضربها، المهم وصلت عربية ملاكي نزل منها ضابط، وطلع اللاسلكي، وقال (واحدة اعتدت على أمن البنك يا فندم أثناء تربة الحراسة)».
وأضاف «عباس» نقلا عن صاحب الرسالة: «الست قعدت تقول حرام عليك ده كان بيضربني، راح قايل للأمين الموبايل بسرعة من العربية، الأمين جاب الموبايل وراح الضابط سايب الست والأمين ماسكين في بعض وفتح الفيديو كاميرا وقعد يصورها، مش عارف ليه؟».