التربة غربة وسكة سفر.. هيدخلها اللى آمن واللى كفر.. أجنبى كان أو عربى اللسان.. شحات فقير أو م الأعيان.. الكل هيدخلها لوحده نفر نفر.. التربة غربة وسكة سفر.. التربة غربة وسُنة حياة.. محدش بيدخلها وحاجة معاه.. الكل هيفارقك.. حبايبك وأهلك.. مفيش اللى عملك هو اللى هتلقاه.. التربة غربة وسكة سفر.. التربة غربة ووحشة ودود.. وكفن أبيض مالوهش جيوب.. الكل هيلبسه غنى وفقير.. اللى كان لبسه خيش واللى كان لبسه حرير.. منها وإليها مسيرنا نعود.. التربة غربة وسكة سفر.
رامى زين