انفعل الإعلامي جابر القرموطي على الهواء خلال تقديمه برنامج «مانشيت» على قناة «اون تي في» بسبب سوء الإجراءات الأمنية بمدينة الإنتاج الإعلامي، مؤكدا أن «تأمين المدينة فاشل فاشل فاشل واي شخص ممكن يدخل في وجود الأمن، والتأمين في المدينة بدائي وميساويش كيس لب».
وتابع «القرموطي» خلال تقديمه برنامج «مانشيت» الأربعاء: «أنا مش عارف إيه لازمة مراية الحلاقين، اللي بيمسكوها لما ييجوا يفتشوا العربيات؟ ولا ليها أي لازمة، والمصيبة الكاميرات في المدينة مبتشتغلش ولا فيه تفتيش ولا نيلة، ده احنا لو في كوكي بارك كنا اتفتشنا احسن من كده، ومن الآخر التأمين في مدينة الإنتاج الإعلامي فاشل، ولسه برضه التفتيش زي ما هو حتى بعد التفجيرات بتاعة برج الكهرباء، واحد ماسكلي مراية حلاقين ومتعلق فيها عقب سيجارة ويحطوها تحت العربية وخلاص».