يا دنيا يا مزعجة طالنى الملل منك.. ألوانك المبهجة بتختفى منك. لابسة هدوم غامقة مش لايقة على سنك.. لولا حبيبى فيكى لطفشت أنا منك!!
بعافر لاجل ما الضحكة على وشى تبان وتنط.. تعدى الموجة والغرقة وتوصل شط.
ومهما يا هَم فى ضلوعى تشيل وتحط.. هابارز حزنى بالضحكة و100 عاركة عشان أوصل لحضن الشط!!
مقـــدرش أكـــون غيـــر حـــد واضــح أوى وصــريـــح.. لا أعــرف ألــوّن جــلدى ولا أكــون ريــشــة فــى مهب الريــح.
مقــدرش أعــامــل حـــد جــواه مــريــض وجــريــح.. يــا تكــون رســول للحـــب يــا تسيــب بــراحــى مــريــح!!
أيمن يحيى - الجيزة