قال باسم مرسي، لاعب نادي الزمالك، إن أحد اللاعبين أبلغهم بالوقوف دقيقة حداد قبل بداية المباراة، مضيفا: «طبعا مكناش نعرف يعني ايه دقيقة حداد في الوقت ده؟».
وأضاف «مرسي» في مداخلة هاتفية على قناة «سي بي سي إكسترا»، مساء الإثنين: «في نص الشوط الثاني، الجمهور نادى على عمر جابر، فعمر راح وحيا الجمهور لأنه نجم».
وأوضح: «طيب لو عمر كان عارف إن فيه 3 ماتوا ليه قام يسخن ومش قالنا، ولما خرجنا من الماتش بقينا نسمع اللي بيقولنا فيه ناس ماتت».
وتابع: «إحنا مش قادرين نستوعب إزاي ناس ماتت إزاي، وبعد كده الجمهور بقى شتيمة في اللاعيبه، وأقسم بالله مكناش نعرف إن فيه حد مات، والله إحنا بنعشق جمهور الزمالك».