طالب الإعلامي عمرو أديب الشيخ أحمد الطيب، شيخ الأزهر، بالتنحي عن منصبه، قائلًا: «لا قداسة لشيخ الأزهر».
وأوضح «أديب»، في برنامجه «القاهرة اليوم» على قناة «اليوم»: «الأنجليز قالبين الدنيا وبيعدوا على المساجد يشوفوا الناس بتقول إيه بتتكلم ازاي وترجملي الخطبة، عشان عنده 150 في داعش مش 150 مليون، أين دور مصر؟ أين دور الدعوة المصرية؟ أين رجال الأزهر؟ فين لما كان مصر دي تقول بكرة رمضان يبقى بكرة رمضان؟ كل ده راح عشان احنا بقينا موظفين، الاستمرار في الوظيفة لفترة طويلة يؤدي إلى الملل، يؤدي إلى عدم العمل».
وأضاف: «عايز تغير أهلًا وسهلًا.. أنا رأيي إن احنا إدينا الشخص فرصة 10 سنين.. يا جماعة إنتوا عايزين مؤسسات، أنا بتعامل مع مدير، هذا المدير مسؤول عن المكان ده، نجح يبقى المكان ده نجح...وضع المؤسسات الدينية قاتل...الأزهر أول ما طلع كان منشأة شيعية.. ولا قداسة لشيخ الأزهر، هو موظف عام يخطئ ويصيب، هتقولي مابيتشلشي، يتنحى يكفي ما فعله مولانا».