مين هيودع مين يا بنات.. مين هتشيل التانية فى نعش؟.. رُشُّوا الورد على البهوات.. يمكن يهدى عليكو الرش.. خلُّوا الورد الأبيض لونكو.. إوعوا الدم يلوِّنْ أرض.. أمَّا الأحمر تكفى خدودكو.. حُبّ وطنَّا هو الفرض.. م الدخَّان عمرنا ما نهاب.. وإحنا ف سلم أو إحنا ف حرب.. كل أملنا تعيشى يا مصر.. ولا بنخاف من رش وضرب.. لسَّه أوانكم لسّه مجاش.. لِمُّوا الدور الدور يتلمْ.. إوعى سلاح ينداس له زناد.. إوعى ترش أخوك بالدم.. إحنا فرشنا الأرض ورود.. ضحكة قلب وبسمة وِش.. وردك بلدى يا مصر وعُود.. إمتى يا بلدى الجُبْن يِكِش؟.. مين هيودع مين يا بنات.. مين هتشيل التانية فى نعش؟.. رُشُّوا الورد على البهوات.. يمكن يهدى عليكو الرش.
سامح لطف الله