السيسي عن حقوق الإنسان: نقر بوجود تجاوزات

قال الرئيس عبدالفتاح السيسي، إنه حريص على حقوق الإنسان أكثر من أي شخص، مضيفا: «مش علشان حد هيحاسبني، لكن ربنا هيحاسبني قبل الناس».

وأضاف السيسي في كلمة له بأكاديمية الشرطة، صباح الثلاثاء: «محدش يرغي ونردد من وراه، في مصر أنا بقول للجميع، مصر فيها 90 مليون الـ90 مليون مش هيبطلوا يعيشوا حياتهم لو المظاهرة قامت، مش بقول إن المظاهرة مرفوضة، إحنا ادينا للتظاهر مكانة مقدرة، لكن الـ 90 مليون عايزين ياكلوا ويعيشوا، إحنا دولة مواردها مش كتير، علشان تقف الدنيا كلها».

وتابع: «لما السياحة توقفت 4 سنوات فاتوا فقدت مصر 40 مليار دولار، لكن مين هيعوض المبلغ ده، بتكلم على رقم من قطاع واحد، ومش بتكلم على الصناعة وقطاعات أخرى، خلوا بالكوا، وانت بتطالب بحقك خلي بالك أوع تضيعنا معاك».

وواصل: «لازم يبقى عندنا الوعي، يعني إيه دولة، كافة مؤسسات لازم نشد على إيد بعض، مش بقول نضرب على إيد بعض، فيه حاجات ممكن تبقى مقبولة، محدش ضد حقوق الإنسان، هل في ظل الظروف فيه تجاوز أثناء الممارسة، هيبقى فيه تجاوز ولكننا لا نقره ولا نوافق عليه، ده ظرف استثنائي مصر بتعيشه وقولت من زمان كل المصريين ساهموا معانا وساعدوا إنكم تضبطوا الموقف كله».

وكرم الرئيس عبدالفتاح السيسي أسماء 41 شهيدًا من رجال الشرطة، بمنحهم أوسمة تسلمتها أسرهم، في إطار احتفالات وزارة الداخلية بعيد الشرطة.