قال الإعلامي يسري فودة ردًا على من ينتقدون ثورة 25 يناير، إنه يلتمس العذر للبعض وليس الكل، فيما أكد أن مصر انقسمت إلى 3 أجزاء، أما خلاصها ففي «الجماعة اللي في النص».
وأضاف فودة، أثناء حلوله ضيفًا على برنامج «آخر النهار»، على قناة «النهار»، مساء الخميس، بعد غيابه عن الساحة التليفزيونية لـ112 يومًا: «من حسن حظي إني رجعت مصر قبل سنة ونصف أو سنتين من الثورة، واتكتبلي أبقى في المكان الصح، وأن أكون جزءًا من الأصوات اللي رفعت صوت الشارع المصري».
وتابع، ردًا على منتقدي ثورة يناير: «لازم ناخد في الاعتبار حاجات كتير ممكن ألتمس العذر لبعض الناس، فترة الإخوان خوفوا ناس كتير واستعجلوا حاجات كتير، دفعوا ثمنها غالي أوي، ولم ينصفوا في حاجات معينة، والجملة دي لازم تتقال».
واستطرد: «أنا انتخبتك عشان تقدم خدمات للبلد مش تقول لي إنت مين، أنا عارف أنا مين».
وأوضح: «بقدر ما حصل مع الإخوان من صدمة حصل حالة من الهيستريا على الجانب الآخر، لا ده ينفع ولا ده ينفع، واللي حاول يحافظ على عقله شوية في النص، ورأيي أن خلاص مصر في الجماعة اللي في النص».