قال الدكتور مبروك عطية، الداعية الإسلامي، إنه لا يوجد شيء اسمه خيانة زوجية، مضيفًا: «المسلسلات والأفلام هما اللي أقنعوا المرأة بده، وأن في شيء حاجة اسمها خيانة زوجية، وأنا محتاج 10 سنوات عشان أشيل الكلام ده من مخ الستات».
جاء ذلك ردّا من «عطية» على تصريحات سابقة له، عندما نصح إحدى المتصلات، بالصبر على زوجها ودعوتها له بالتوبة، حتى وإن خانها مع سيدة أخرى.
وأضاف «مبروك»، في لقائه بقناة «أم بي سي»، مساء الخميس: «لما الراجل ينام مع واحدة تانية غير مراته، دي خيانة لربنا، وليست للزوجة، وهاتلي كلمة في الشرع واحدة تقول إن ده خيانة للمرأة»، موضحًا أنه «عندما تجد المرأة زوجها يزني، عليها استحضار الشرع، وتأمره بالاستحمام، ثم الاستغفار والصلاة، وأتباع امرأة».
وتابع: «المسلسلات خيمت على رأسنا، وبوظت فهمنا للدين، وبردوا لو الراجل وجد الست نايمة في حضن آخر، يأمرها بالاغتسال، وبعدها يطلقها كما يحب، مش يمشي ورا الأفلام ويقتلها، ويدخل السجن، والدين أمر بستر الزاني، وبعدها يحاسب».
وكانت سيدة تدعى أم دينا وجهت سؤالا لـ«عطيه» في برنامجه «الموعظة الحسنة»، أن زوجها أغلق باب الشقة وكانت معه الخادمة بالداخل، ورفض فتح الباب لي، فرد عليها «مبروك»: «يعني أنت دلوقتي عايزة تطلقي؟، يا أختي السوق مش حلو، وبعدين لو سيبتي ده هتتجوزي عمر بن الخطاب؟، يا هبله ده هو أهبل منك علشان يقولك كان فيه حد معايا».
وأضاف: «لو دخلتي ولقتيهم في لحاف واحد، قوليله قوم يا أخويا استحمي، لو بتحبي سيدنا محمد قوليله ربنا يتوب عليك يا بن الناس، واحمدي ربنا إنه عافاكي».
أضغط هنا لمشاهدة الفيديو