حثت الإعلامية ريهام سعيد الشعب المصري على استبدال السيارات بركوب الدارجات الهوائية مع فرض عقوبات على من يضايق الفتيات في الشوارع، فيما عرضت قصة فتاة قامت بتلك التجربة بشكل عملي، وشاركتها رحلة في شوارع القاهرة على الـ«بسكلتة».
وقالت «سعيد»، الأربعاء، في برنامجها «صبايا الخير» المذاع على قناة «النهار»: «الرئيس السيسي عمل ماراثون العجل ده قعدت أقول ياه لو في أي حتة برة، فيه خانة كدة بتتعمل عشان الناس تروح شغلها وكل حاجة بالعجل، تخيل لو كل البنات اللي بتروح المدرسة أو بتروح شغلها، أو احنا تحولنا لناس بدل ما نركب عربيتنا ونفضل قاعدين فيها 6 ساعات ومش هنوصل في معادنا عمرنا، إن احنا استعملنا العجلة في إن احنا نروح ونيجي ونعمل مشاروينا».
وأضافت: «أولًا صحتنا هتبقى أحسن كتير، يعني فكرة إن أنا بنزل كل يوم بلعب رياضة ساعة وأنا مش قصدي ألعب رياضة، والعجلة مش غالية ومبتخدش بنزين، وفي نفس الوقت هتلاقي الشارع فضي، وهتلاقي مودك ألطف».
وتابعت: «احنا لقينا بنت لطيفة جدًا اتبسط جدًا لما قابلتها، عملت التجربة دي ومهمهاش حد خالص، ساكنة في مدينة نصر وشغلها في ميدان التحرير، وبتنزل تاخد العجلة وتروح مشاويرها كلها وبتروح شغلها، وتطلع 6 أكتوبر وترجع من 6 أكتوبر وتطلع الكوبري ولا همها حد».
ووجهت رسالة للمسؤولين قائلة: «لو المسؤولين سامعني دلوقتي، وأكيد بيسمعوني، يا رب بس متطنشوش، لو عملتولنا الخانة بتاعة العجل وعملتولنا عقوبة على أي حد يضايق أي حد في الشارع وهو راكب البسكلتة بتاعته، المرور هيتحل وصحة الناس هتبقى أحسن وهتحلوا مشاكل كثير أوي عند الناس في موضوع المواصلات».
وعرضت «سعيد» تقريرًا يظهر ركوبها للعجلة في شوارع القاهرة، برفقة البنت التي تحدث عنها، فيما قام بعض الناس بتحيتها، وقامت هي بإجراء حوار مع البنت، فيما استوقفها بعض الشباب، فقالت لهم: «أنتوا شفتوا بنتين جايين ركبين عجل فقلتوا تمسوا».